Aneka Pasambahan
( Lengkap )
Terdiri dari beberapa tulisan dari berbagai sumber, sebagai berikut :
Bagian I : Katubah Pasambahan
Dari:
adisar.wordpress.com/2009/07
Bagian I
Katubah Pasambahan
Dari:
adisar.wordpress.com/2009/07
Si Pangka
Assalamualaikum
Warahmatullahi Wabarakatuh
Salam
taupik jo napiak, sarato jalal dan jamal.
Di hati
nan suci, di muko nan janiah,
suluah nan
bendang, di camin nan taruih,
palito nan
manarangkan,
alah
manghadap karibaan,
suci
pamuko tuangku ambo,
alim
kiramaik pangulu kito,
nan gadang
basa batuah,
sabagai
kayu gadang dalam nagari,
ureknyo
tampek baselo,
batangnyo
tampek basanda,
daunnyo
tampek balinduang dihari paneh,
tampek bataduah
dihari hujan,
karano
baliau duduak ambo tagak,
izin jo
maaf ambo pintak.
Salam ambo
nan kaduo
kapado
alim ulama cadiak pandai,
suluah
bendang camin taruih,
palito nan
manarangkan,
karano
baliau duduak ambopun tagak,
izin jo
maaf ambo pintak.
Salam ambo
nan katigo
kapado
niniak mamak nan karapatan,
karano
baliau duduak ambopun tagak,
izin jo
maaf ambo pintak.
Tidak
disilang kaditingkok,
rangkiang
rang Ampek Angkek,
diatok nak
urang Balai Gurah,
tidak
dibilang kadiatok,
lambek lai
pambilang paatok sambah.
Padi nak
urang Koto Tuo,
diiriak
nak urang Saniang Baka,
diiriak jo
ampu kaki,
diirai jo
ampu tangan,
sambah nan
indak baringgo,
dari
ujuang lalu kapangka,
di tangah
lalu katapi,
taserek
sadang demikian.
Pacahlah
sapek diparampek,
talatak di
dalam gantang,
di sumua
nak rang Koto Tuo,
pasambahan
tibo di nan rapek,
bari
batampek baurang surang,
nak tantu
tando tak a’innyo.
Siciliak
dalam sianyak,
basarang
dalam bancah,
disumua
nak rang Koto Tuo,
ditiliak
dalam nan banyak,
namalah
nan kadisambah,
ditiliak
nan samo gadang,
dipiliah
nan tuo.
Singkek
bak raso ka bauleh,
kurang bak
raso kabatukuak,
sambah
dibari bapuhun,
lai tapek
sambah tibo pado Sutan.
Baladang
sapiriang ketek,
rang
Makkah di Pulau Pinang,
baliau
mulo katagak,
mamak
barundiang jo nan ketek,
baumua
satahun jaguang,
badarah
satampok pinang,
rilah jo
maaf ambo pintak.
Aratinyo
sambah nan ambo tibokan,
titah nan
ambo antakan,
dicari
hujan nan bapuhun,
dicari
paneh nan barasa,
dicari
silang nan bajunjuang,
adok
karajo banan pangka.
Piak
sipokok sipangkalan,
lah siang
bak cando hari,
lah tarang
bak cando bulan.
Piak di
hari nan kapatang,
dicari
bulek nan sagolek ,
dipicak
nan satapiak,
dicari
bana nan saukua, dipaham nan sasuai.
Balapeh
nan mudo dek nan tuo,
nan capek
kaki nan ringan tangan, pancabiak siriah, pandayuang pinang, manyampaikan padah
tu namonyo.
Kahilia
kamudiak, katangah katapi, ka niniak mamak tiok umpuak, niniak mamak tiok
jorong atau ka niniak mamak palaresan,
akan
samantangpun baitu,
disabuik
bakato undang urang.
Tinggi karambia nan sabatang,
pucuak dikanduang awan mego,
disakah anak bidodari,
disakah lalu dibaonyo.
Dihilia
alah manamo datang,
dimudiak
alah manamo tibo,
nan dakok
alah duduak mananti,
piak
dihari nan samalam nangko.
Niniak
mamak nan alah adia,
duduak
sabanta dua banta,
rokok
bagiliang alah baisok,
siriah
bakapua alah bakunyah,
pun baato
anyo lai,
karano lai
taragak nan takiro,
piak
sipokok sipangkalan,
alah ukua
bana dikatangahkan.
Sakianlah
sambah dianta sampai bakeh Sutan.
Si
Alek
Turunlah hujan dari langik,
hujan nan tido labek amek,
serak baserai di halaman,
dahulu
kato bataratik,
kudian
kato basicapek,
capek
jawabnyo pado sipangkalan.
Alah jadi
buah kato,
di sutan
nan taanta kapado ambo.
Indak lai
sabanyak bana di sutan nan katangah,
taanta
kapado ambo,
lah suri
tulah dan kain,
lah cupak
tulah dan gantang,
akan
samantang pun bak itu,
disabuik
bak kato undang urang,
cincin
banamo gaiaman,
parmato
intan dengan pudi,
jikok taganjak parmatonyo,
bilangan
dunia sudahlah tamaik,
cincin
pusako rajo kito.
Alah
dibilang alah diatok,
alah
dicurai alah dipapah,
sabalah
sutan sakutiko,
kato dibao
jo mupakaik,
kahadapan
niniak dengan mamak, manjapuik nan kabuah barinyo,
laikok
dalam bana nan baitu.
Si
Pangka
Indak lai
sabanyak bana di sutan nan katangah, taanta kapado ambo,
lah cupak
tatagak nan baisi,
adaik
tarantang nan bapakai,
disabuik
bak kato undang urang.
Kapeh di laman anjuang perak,
pasuntiang anak rajo Cino.
Parang Bulando di bintungan,
kato kan
sutan bao jo mupakaik,
kandak
buliak dari ambo,
sugiro
malah maantakan,
ambo
tarimo dengan baiak,
pujian
kami salamonyo.
Si
Alek
Indak lai
sabanyak bana di sutan nan taanta kapado ambo,
lah suri
tuladan kain,
lah cupak
tuladan gantang,
akan
samantang pun baitu
disabuik
bak kato undang urang.
Rajo Ruhun
jo rajo Cino,
balayia
tantang pulau karang,
sampai ka
pulau tujuah jurai,
barakaik
kabasaran niniak jo mamak,
bako aka mangko
hilang,
jikok
talambek maantakan,
jikok
talambek mahimbaukan,
adaik
barundiang jo nan tuo,
capek dak
buliah baraguluik,
lambek dak
buliah diantikan,
pulang
maklum pado Sutan.
Si
Pangka
Mandanga
rundiangan dari sutan,
adok
kabadan diri ambo,
raso
diureh aia ambun,
raso
disiram aia mawa,
akan
samantang pun baitu,
disabuik
bak kato undang urang.
Kain salendang rajo Baraik,
barantai bajambu suto,
buatan anak bidodari,
kato ka
sutan bao jo mupakaik, kandak kabuliak dari ambo,
barapo lamo
ambo mananti,
sungguah
baraponyo nak tantu ambo manantikan
.
Si
Alek
Indak lai
sabanyak bana di sutan nan katangah, nan taanta kapado ambo,
iyolah
dalam alua jo patuik,
satantang
barih jo balabeh,
akan
samantang pun baitu,
disabuik
bak kato undang urang.
Kain
salandang rajo Baraik,
bajambua
baapi-api,
sadapek
kato jo mupakaik,
sakian
lamo sutan mananti.
Si
Pangka
Indak lai
sabanyak bana di sutan nan katangah, taanta kapado ambo,
Babelok jalan ka Salak,
ka Durian mambali dadiah,
ubek kapalo naknyo sihaik,
elok
adaiknyo rang tigo luak,
aliran
Datuak Parapatiah,
urang
barajo kamupakaik,
baolah
kato jo mupakaik,
sipaik
mananti malah ambo.
Si
Alek
Balam
sairiang jo barabah,
singgah
kabaruah makan padi,
salam
sairing saraso sambah,
sambah
suruik salam kumbali ka nan tarabik.
Si
Pangka
Tabanglah
anak pipik parik,
kalurah
makan padi mudo,
pasambahan
tibo kanan tarabik,
Alhamdulillah
kajawabnyo.
Si
Alek
Kasau
banamo irawaci,
suto
bacampua jo ganola,
supakaik
tanun manarimo,
dek cako
sutan sipaik mananti,
dek ambo
sipaik malega,
manjapuik
kabuah barinyo.
Sakarang
lah dapeh kabuah barinyo,
kandak
buliak pintak balaku,
bana
kumbali pado Sutan.
Si
Pangka
Mandanga
rundiangan dari sutan, sajuak dalam hati, sanang dalam kiro-kiro,
kaluak paku junjungan siriah,
dibao anak Banda Limo,
kandak
buliah pintak balaku,
Alhamdulillah
kajawabnyo.
Sungguahpun
bakeh sutan surang, sayo maantakan salam sarato buah pasambahan, nak sarapek
papeknyo, niniak jo mamak saisi rumah gadang ini.
Usah
diatok dibilang gala,
salam sajo
dimuliakan,
lai
kapaatok pambilang gala,
tampek
ambo maantakan sambah,
sambah
tibo juo ka sutan.
Taktik
kato dianjuang tinggi,
ataupun
gadang taanta kabanaran sutan katangahkan,
lai kok
dalam bana nan baitu.
Diayun
dikanang-kanang,
dipikia
dalam ati,
kok jajak
patuik ambo tikam,
kok batang
patuik ambo titih,
kok kato
patuik ambo ulang,
patuik
diulang kato sutan.
Tapi
samantang pun baitu,
diulang jajak
kok nyo cupua,
diulang
kili kok nyo lapeh,
karano iyo
nan baitu,
rilah jo
maaf ambo mintak,
ambo
manjawab pendek sajo,
ambo
maambiak pangabisan,
pangabisan
kato sutan
Bagian II
Pidato Pasambahan Untuak
Ka makan
Dari :
rangkaisati.files.wordpress.com
14 Jumat Mar 2014
Posted
by akatagantuang in Tak Berkategori
Sutan
Bagindo
Adat
Taluak timbunan kapa,pusek jalo kumpulan ikan,adat gunuang tapatan kabuik,
disutan tapatan sambah sambah tajelo kanan rapek ,salam tatabua
katangah-tangah ,talirik tabantang salam dimungko ibu jo bapak , dihadapan niniak
jo mamak , langkok juaro jo pitunggua,sarato pangarang jo buatan bakeh ambo
manyambahkan sambah , manimbang ateh nan adoh manyiang di ateh tumbuah, tumbuah
sarupo iko kini, talatak pinggan dilapiak di diisi jo edangan ,basusun galeh jo
cawan barisi ayia kasadonyo, basusun di ruang tangah, balirik di ruangan tapi ,
mambayang-bayang kamungko, mancayo kautak jo banak, tapi samantang pun
baitu dirumah jorok manjorok dek rumah liku –baliku, antah dindiang dinan kalam
antah talamun dek nan banyak, mintak ditiliak di pandangi dek karano janang
kami mudo matah, kok kurang nak kami tukuak kok senteang nak kami
bilai , Takilek cupak jo gantang ,tabayang bareh jo balabeh, nak nyo
salamuak samparono nak sampai niek sipangkalan, barupo ayia dicawan mintak
diminum nasi dipiriang mintak di makan, ,dabuak ayia pulau kilangan, pandan
sapanjang muaronyo, tibo ayia basuah lah tangan makan kito sadonyo, sakian
sambah tibo kaaribaan sutan.
tadiri
adat jo pusako ,pusako banyak pusako, pusako diateh tumbuah, tumbuah sarupo iko
kini, nasi dipiriang nak mintak dimakan ayia dicawan nak mintak di minum,
Sutan
Maharajo
Tapi walaupun nanbak itu adopun
masak jamba nan katangah adolah duo tigo palakaro ,
Partamo masak didapua,
Kaduo masak di makan
Katigo masak jo mufakat.
Adopun
masak di dapua tajarang di tungku batu tigo,baselang kayu di bawah nyo disinan
apii mangkok iduik, baro nan kajok-kajok jarang,talambek kadang lambiak matah,
talampua kacau nyo lah ragu , kajadi nasi nyo lah sagan pulang ka bareh nyo tak
namuah,
Adopun
masak dimakan, disanduak nasi putiah kapua di sanduak kapinggan batirawang,
nasii putiah tanak nyo kambang, kambang nan bagai bijo limau,di tangah awan
magajuju ,nago bajuak kiri kanan, mairiang gulai duo tigo , rono kuniang baun
nyo harum nak bak bungo kambang saparak, dimakan baguman-guman, kuah sagiro
jadi darah nasi bagageh jadi dagiang,
Adopun
masak jo mufakat tabaun se awih lah lapeh,tapandang paruik lah kanyang,
sungguah pun nasi balun kami sintuah,barati lah kami makan basamo-samo.
Sekian
sambah di pulangkan bakeh sutan Bagindo
Sutan
Bagindo
alaukan jawih nan panyinduak
kasawah urang tanjuang sani
nak dapek rumpuik daun banto
manangih sanduak jo pariwuak
maupek piriang baisi nasi
takan jariah tak badaso
Aratinyo Bana, kok nan jauh lah kami hampirkan,kok nan matah lah
kami masakkan, dinasi sutan babaso bailau ratok rang didapua, badoso
sutan tantang
itu..
Sutan
Maharajo
Mandanga
titah sutan tako, dek takuik kami kabadoso ,gabak dihulu tando kahujan,
cewang dilangik tando kapaneh, kok ari jadi hujan lai kok samo kadi raok
nyo kito kasadonyo lai kok kasaedaran alek jo sipangkalan .
Sutan
Bagindo
kini
baitulah sutan, suruik sutan salangkah baralah ambo sabanang, ibarat lago lai
kasamo tagak di nan manang, antah kok kalah kaduo nyo, dek karajo ado duo tigo
nan kadi awai, kok idak salangkok ganok nyo kami tampak ,balangkok kan sajo jo
mufakat,
Sutan
Maharajo
Tantang
edangan nan katangah dek banyak macam ragam nyo, ragu lah mato dek mamandang
nak jan kami sasek awai tunjuak an ikua kapalonyo .
sutan
Bagindo
kok pintak
kabuliah kandak kabalaku
dibalah
rotan dibalah, dibalah di bagi limo
dimulai jo
bismilah , di sudahi dengan Alhamdulillah,
itulah
ikua kapalo nyo
Sutan
Maharajo
Nak urang
si koto pangkalan
Nak lalu
kasungai pangalek
Mulai lah
dek sipangkalan
Buliah nak
manurik kami sialek.
Sutan
Bagindo
runduakkan
kayu batang kayu kalek
kabawah
kayu panajunan
nak tarang
jalan kadanau
nasi
basanduak untuak alek
pangkalan
biaso kakudian
patambuah
nan inyo silau,
Sutan
Maharajo
Kok iyo
kami kapakan
Kamano
jalan kataluak
Kok iyo
kami kamakan
siapo namo
tukang sanduak
Sutan
Bagindo
marapalam
sarangkai anam
di amabiak
anak sanjo rayo
sagalo
anak jo pasumandan
itu nan
tukang sanduak tako
Sutan
Maharajo
Ko iyo
kami kapakan
Mano toh
baju lakan kami
Kok iyo
kami kamakan
Apo sipuak
makan kami
Sutan
Bagindo
tak pawuah
jo sungai nanam
katigo jo
lekok pulai
tibo ayia
basuah lah tangan
campuakan
nasi dengan gulai.
Itulah
kasipoak makan sutan.
Pasambahan Sasudah Makan
Sutan
Maharajo
Sabarih sambah ditibokan kabakeh sutan bagindo
sutan
bagindo
Manitah lah sutan maharajo
Sutan
Maharajo
Kailia ka Sungai Nanam
Kamudiak ka koto tuo
Ari nan sadang tangah hari
Duduak tamanuang sudah makan
Lah anguih tangan kanai lado
Apo kok sipuak badan kami
sutan
bagindo
Kailia kakoto tuo
Kamudiak kakoto pangkalan
Koklah anguih tangan kanai lado
Ambiak lah ayia basuah lah tangan
Sutan
Maharajo
Silunak pai kapakan
Tibo dipakan mambali gulo
Kok nan lunak lah kami makan
Kok nan kareh kabapo pulo
sutan
bagindo
Silunak pai kapakan
Tibo dipakan mambali banang
Kok nan lunak lah sutan makan
Kok nan kareh kito suruah japuik dek sirajo janang
Pidato Maurak Selo
Sutan
Maharajo
Lah
ditiliak awa rundiang ,lah ditimbang akia kato,sungguah bana lah nyato, rundiang
usang pahamlah tantu ,balatiah janji,baruruik bacupak bagantang panuah,
bagantang indak buliah luak,cupak nan indak buliah panuah,tasanda di tiang
panjang,taantak di sandi padek,tasimpan dibiliak dalam, di pagang niniak
jo mamak,hak nan namo hak dalam adat itu nan samo di kunjungi,pintak jo pinto
di lakukan,den nan dimukasuik alah sampai ,nan di ama alah pacah,limeh di
pinang pun alah layua,jikok dikambang pun alah basah,jamba dek arok punlah
carai, aratinyo bana dek lamo duduak lah raso panek dek lamo tagak lah maraso
paniang, sagalo datuak jo tuangku nak maurak selo, tuan malin nak maurak
simpuah, sirapek banyak nak pulang katampek masing-masing ambo sandiri
nak mairiang di balakang.
Sakian sambah bakeh
Sutan
sutan
bagindo
tapi samantang pun baitu hanyo sabuah nan marusuah
hanyo ciek nan mambedo,
Batimbunan lado dalam taluak
Tiok nan tibo bakaranjang
Minum kok kurang sajuak
Makan kok kurang kanyang maaf jo rido kami mintak .
Marapalam sarangkai masak
Diambiak anak sanjo rayo
Hari kalam bulan tak Nampak
Kami malapeh sio-sio
Sutan
Maharajo
Marapalam sarangkai masak
Diambiak anak tinggi hari
Hari kalam bulan tak tampak
Salangi kami bakeh sigi
Lah cukuik sandi batu rumah
Mananti tukang kamamulai
Lingkuik lapiak sapulah rumah
Assalmua”laikum panyudahi
sutan
bagindo
Nak urang bukik batabuah
Kapakan mambali garam
Nak batamu nak urang ampek angkek
Kamudiak jalan kok runtuah
Kailia jalan kok taban
Urang maliang banyak nan jaek
Sutan
Maharajo
Nak urang dari pakan baso
Nak pai ka koto tuo
Hari nan sadang pukua ampek
Balayia banah kodo
Bajalan banan tuo
Indak sio-sio kami barangkek
sutan
bagindo
kain suto dari pangkalan
bajumbai lagi bajambua
garaian anak jo mintuo
itulah rajo dilautan
sutan mamintak kabajalan
hari kalam bulan kok kabua
hari hujan labuah kok basah
siso-sio kami malapeh
bamalam molah dahulu
Sutan
Maharajo
Satu rajo tanah batak
Kaduo rajo tanah banten
Itulah rajo sadaulat
Mamakai mangkuto kadaulatan
Tatabua ameh sirajo jati
Salam jo maaf ambo mintak
Jikok seloang mintak sutan
Lah ambo bao kamufakat
Bukan ambo nan babaso
Niniak jomamak nan managah
Usah sutan bakaciak hati
sutan
bagindo
marapalam sarangkai anam
diambiak sado nan masak
di bao kapaninggahan
janjang taban
pintu bapasak
kamano sutan kabajalan
Sutan
Maharajo
marapalam sarangkai anam
diambiak sado nan masak
hari nan sadang pukua duo
janjang taban
pintu bapasak
sutan batukang basugiro
Tidak ada komentar:
Posting Komentar